कैलास खोट्टे जिल्हा प्रतिनिधी बुलढाणा
संग्रामपूर तालुक्यातील सोनाळा येथून जवळच असलेल्या आदिवासी बहुल भागातील पिंगळी येथे दिनांक 9 ऑगस्ट रोजी जागतिक आदिवासी दिन मोठ्या उत्साहात साजरा करण्यात आला यामध्ये समस्त आदिवासी बांधवांनी क्रांतीसुर्य बिरसा मुंडा तसेच तंट्या भिल यांच्या प्रतिमेचे पूजन केले त्यानंतर सर्व आदिवासी बांधवांनी जय आदिवासी जय बिरसा मुंडा अशा घोषणा दिल्या सर्वकडे आनंदाचे वातावरण निर्माण झाले होते. टप्प्याटप्प्यावर तालबद्ध आणि मनमोहक आदिवासी कला अविष्कारांचे सादरीकरण करण्यात आले होते. आदिवासी संस्कृती व परंपरा याची नव्या पिढीला माहिती व्हावी तसेच समाजात एकता निर्माण होऊन बंधुत्व वाढीस लागून सर्व आदिवासी बांधवांचा विकास घडावा निसर्गाची नाते अतूट राहावी याचाच या सर्व आदिवासी बांधवांनी समाजाला संदेश दिला आहे. अत्यंत दुर्गम डोंगर दर्या खोऱ्यात वास्तव्य करणाऱ्या आदिवासी समाजाकडे इतरांचा बघण्याचा दृष्टिकोन बदलावा असे मत यावेळी आदिवासी बांधवांनी व्यक्त केले.कार्यक्रमाचे शेवटी तस्लिम भारसाकळे यांनी सर्वांचे आभार मानून कार्यक्रमाची सांगता केली.
